تركيب مساعد ذكي في متجرك خطوة بخطوة، بدون مبرمج

تركيب المساعد أسهل مما تتوقع. ما تحتاج مبرمج، ولا تعديل في تصميم متجرك. كل اللي تحتاجه سطر كود واحد.

الخطوة 1: سجّل وارفع معلوماتك

سجّل حساب مجاني، وبعدها ارفع معلومات متجرك: نصوص أو ملفات PDF عن التوصيل والأسعار والسياسات. لو ما تدري وش تكتب، شوف قائمة المعلومات اللي نشرناها في المدونة.

الخطوة 2: خصّص شكل المساعد

اختار اسم المساعد وصورته ولونه ورسالة الترحيب، عشان يطلع بشكل متجرك. وحدد مكانه في الصفحة، يمين أو يسار.

الخطوة 3: انسخ سطر الكود

من لوحة التحكم، في صفحة الودجت، انسخ سطر الكود. وأضف دومين متجرك في النطاقات المسموحة، عشان المساعد يشتغل في متجرك وبس.

الخطوة 4: الصقه في متجرك

افتح إعدادات متجرك وابحث عن خيار إضافة كود مخصص أو أكواد التتبع. التسمية تختلف حسب المنصة، وبعض المنصات تتيح الخيار في باقات معينة بس.

• سلة وزد: من إعدادات المتجر، خيار إضافة الأكواد.
• Shopify وWordPress: في ملف القالب أو عبر إضافة لإدخال الأكواد.
• موقعك الخاص: الصق السطر قبل إغلاق وسم body.

الخطوة 5: جرّبه بنفسك

افتح متجرك واسأل المساعد سؤال من أسئلة عملاءك. لو جاوب صح، تمام. ولو ما عرف، تشوف المحادثة توصلك في صندوق الوارد، وتضيف الجواب لمعلوماتك.

من التسجيل لين يرد على أول عميل، الموضوع ياخذ دقايق. وتقدر تبدأ بالباقة المجانية بدون بطاقة.